E Ihowa ko koe tōku Atua, ka whakanuia koe e ahau… ka whakamoemititia e ahau tōu ingoa, he mahi whakamiharo hoki āu, o whakaaro i whakatakotoria i mua noa atu, pono kau tika kau kei whakahāwea tētahi ki tōu taitamarikitanga, ēngari hei tauira koe ki te hunga whakapono i tō kupu, tō whakahaere, tō aroha, tō wairua, tō whakapono, tō ngākau mā, he aha koa, e kore a te runga rawa e noho ki ngā whare i hanga e te ringa, ko tā te poropiti hoki tēnā i mea ai, ko te rangi tōku torona, ko te whenua tōku tūrangawaewae, he whare pēhea tā koutou e hanga ai mōku, e ai tā te Ariki, ā, ko tēhea te wāhi e okioki ai ahau… te tangata e ū ana tāna whakaaro kia koe, ka maumau rawa hoki i a koe i runga i te rangimārie, mōna hoki i whakawhirinaki kia koe, he pono tāku e mea atu nei kia koutou. E kore rawa tēnei whakatipuranga e pahemo, kia puta rānō wēnei mea, ko te rangi me te whenua e pahemo, ko āku kupu ia e kore e pahemo, otirā kāhore tētahi tangata e mōhio ki taua rā, ki taua hāora, kahore ngā Ānahera o te rangi, ko tōku matua anake. Whakawhirinaki atu kia Ihowa āke āke, nō te mea kei i a Ihowa te kaha mau tonu… Ēhara koia i ōku ringaringa, nāna wēnei mea katoa i hanga e te hunga kaki māro, kahore nei i kotia te ngākau, te taringa tutū tonu koutou ki te wairua tapū rite tonu tā koutou ki tā o koutou tīpuna, ko ahau ko Ihowa hei tiaki i āia, pono tonu tāku whakamakūkū i āia, ka tiakina e ahau i te ao i te pō, kei tūkinotia i taua wā. Tokorua i te maara, kotahi e tangohia, kotahi e waiho, tokorua wāhine e huri ana i te mira, kotahi e tangohia, kotahi e waiho… kia mataara rā pea, e kore hoki koutou e mōhio ki te hāora e puta mai ai tō koutou Ariki. Kia mōhio ki tēnei mea i mātau te tangata o te whare ki te mataaratanga e puta mai ai te tāhae, kua mataara ia, ā, kāhore i tukua tōna whare kia pokaia, nā kia ātatanga anō hoki koutou nō te mea, ka puta mai te tama a te tangata i te hāora e kore ai koutou e mahara, ko wai rā te pononga pono, te pononga mahara i mengia e tōna Ariki, hei rangatira mō āna tangata… hei hōatu i te kai mā rātau i te wā e tika ai